Akvariumni ishga tushirish: 14 kunlik jadval

«Suv quydim, baliq qo'ydim, ertasiga o'lib qoldi» — bu eng ko'p eshitiladigan gap. Sababi bitta: azot aylanishi.

Nima bo'lyapti suv ichida

Baliq chiqindi chiqaradi, chiqindi ammiakka aylanadi. Ammiak — zahar. Uni zararsiz nitratga aylantiradigan foydali bakteriyalar bor, lekin ular yangi akvariumda yo'q. Ular filtrda o'sishi uchun vaqt kerak.

1–3-kun

Akvariumni yig'ing, gruntni yuvib soling, suv quying va suv tayyorlagich qo'shing. Filtr, isitgich va yoritgichni yoqing. Baliq yo'q.

4–7-kun

Filtr uzluksiz ishlab tursin — o'chirmang. Bakteriya preparatini qo'shing. Suv bir oz loyqalanishi mumkin, bu normal: bakteriya ko'payyapti.

8–14-kun

Suv tiniqlashadi. Imkon bo'lsa ammiak va nitrit testini qiling — ikkalasi ham nolga tushishi kerak. Shu paytda birinchi 3–5 ta baliqni qo'yish mumkin.

Keyin nima

Har hafta 3–5 tadan qo'shing, birdaniga emas. Har bir yangi guruh bakteriyaga qo'shimcha yuk — ularga moslashish uchun vaqt kerak.

Bizdan akvarium olsangiz, o'rnatishni va ishga tushirishni o'zimiz qilamiz — suv tayyor bo'lganda baliqni ham o'zimiz joylashtiramiz.